• Nhar it-Tnejn 2 ta’ Frar niċċelebraw il-Festa tal-Preżentazzjoni tal-Mulej u Jum il-Ħajja Ikkonsagrata. Filgħaxija fis-6:30pm ikollna quddiesa animata bit-tberik tax-xemgħa.

• Nhar il-Ġimgħa hija l-ewwel Ġimgħa tax-xahar. Ikollna l-adorazzjoni wara l-quddiesa tat-8:30am u wara dik tas-6:30pm. Fl-10:00am fiċ-ċentru pastorali ta’ Triq il-Liedna jkun hemm il-quddiesa u l-adorazzjoni.

• Din il-ġimgħa it-tberik se jsir il-Ġimgħa biss u se nżuru u nbierku l-familji ta’ Triq il-Liedna, (naħa numri bil-fard). It-tberik u ż-żjajjar jibdew fl-4:00pm

• Is-Sibt jaħbat l-ewwel Sibt tax-xahar, wara l-quddiesa tat-7:45am ikollna r-rużarju meditat fiċ-ċentru parrokkjali.

• It-Tnejn 16 ta’ Frar il-Kummissjoni Festa Esterna se torganizza party tal-Karnival fis-sala tal-Kunsill bejn il-5:00pm u s-7:30pm. Biljetti mill-maħżen tal-armar.

• It-Tlieta 17 ta’ Frar se norganizzaw nofs ta’ nhar irtir għat-Terzjarji u l-ħbieb tagħhom ġewwa l-kunvent tal-Karmnu l-Imdina. Nitilqu fit-8:30am u naslu lura fis-1:30pm. Min hu nteressat ikellem lill-kappillan.

• Is-somma li nġabret il-Ħadd li għadda għall-Puttinu Cares waqt l-Autoshow imtella’ mill-Kummissjoni Festa Esterna kienet ta’ €2,643. U Is-somma li nġabret waqt il-maratona fis-salon tax-xagħar kienet ta’ €3,300. Nirrigrazzjawkom tal-ġenerożita tagħkom.

• Il-Kummissjoni Festa Esterna tavża wkoll li bħalissa qed tagħmel il-ġabra mid-djar b’risq il-festa. Nitolbukom sabiex tkunu ġenerużi.

• Baqa’ l-aħħar ħames postijiet għall-Pellegrinaġġ għal-Lourdes li se jsir bejn id-9 u 13 ta’ Mejju. Min hu nteressat ikellem lill-Pirjol P. Joe Saliba.

• Illum u għada qiegħed isir Sale Kbir tal-affarijiet li baqagħlna mill-bazaar tal-Milied li qed isir fil-knisja l-qadima. Tistgħu tgħaddu għalih mis-sagristija.

• Din il-ġimgħa fil-parroċċa tagħna mietu: Lilian Galea, Josephine Thomas u Guzeppi Pace.