• Il-Ħadd 1 ta’ Novembru se jsir il-Kungress tat-Terzjarji Karmelitani fil-knisja parrokkjali ta’ Ħaż-Żabbar. Il-Kungress jibda fil-ħamsa neqsin kwart u se jkun hemm ukoll il-quddiesa.

• Nhar it-Tnejn nagħmlu t-tifkira solenni ta’ ħutna l-mejtin. Filgħodu l-quddies ikun kull nofs siegħa mis-6:00am sat-8:30am. Filgħaxija wara l-quddiesa tas-6:30pm ikun hawn żewġ quddisiet oħra.

• Nhar il-Ġimgħa, l-ewwel Ġimgħa tax-xahar, ikun hawn l-adorazzjoni wara l-quddiesa tat-8:30am u wara dik tas-6:30pm. Fl-10:00am ikun hemm il-quddiesa u l-adorazzjoni fiċ-ċentru pastorali ta’ Triq il-Liedna.

• Nhar is-Sibt huwa l-Ewwel Sibt tax-xahar għalhekk wara l-quddiesa tat-7:45am ikollna r-rużarju meditat fiċ-ċentru parrokkjali.

• Matul ix-xahar ta’ Novembru filgħaxija ir-rużarju u l-quddiesa tas-6:30pm ikunu għar-ruħ il-mejtin li intom tiktbu fil-kruċjata ta’ talb għall-mejtin. Ħdejn il-bibien tal-knisja poġġejna karti apposta biex min irid jikteb lill-għeżież tiegħu

• Dawk li jixtiequ jagħmlu quddies fil-knisja tagħna matul is-sena d-dieħla huma mitluba li jġibu l-ismijiet u meta jixtiequ li jsiru u jgħaddu l-lista lill-Pirjol wara l-ħin tal-quddies jew fil-ħinijiet tal-uffiċċju parrokkjali. Nirringrazzjawkom bil-quddiem.

• Il-Bazaar tal-Milied jibda s-Sibt 28 ta’ Novembru u se jsir fil-knisja l-qadima fi Triq il-Karmelitani. Ħdejn San Ġorġ Preca poġġejna qfief apposta biex twaddbu fihom affarijiet għall-dan il-bazaar. Niprreferu preserves u affarijiet ġodda. Ħwejjeġ użati ma naċċettawhomx.

• Din il-ġimgħa fil-parroċċa tagħna mietet Mary Mangion.