· Illum il-Ħadd ser isir il-pellegrinaġġ penitenzjali ta’ Ħadd in-Nies bl-istatwa tal-Madonna tal-Grazzja ġewwa Ħaż-Żabbar. Il-pellegrinaġġ jibda fil-4:45pm u wara jkun hemm quddiesa fis-6:00pm.

· Nhar it-Tnejn ser issir laqgħa għall-ġenituri u l-parrini li se jgħammdu t-trabi tagħhom il-Ħadd li ġej l-1 ta’ Marzu fil-quddiesa tad-9:30am. Il-laqgħa ser issir fiċ-ċentru parrokkjali u tibda fis-7:00pm.

· Din il-ġimgħa nkomplu bit-tberik u ż-żjajjar tal-familji:

It-Tlieta: Triq San Pietru (naħa numri biż-żewġ).

Il-Ġimgħa: Triq San Pietru (naħa numri bil-fard).

It-tberik u ż-żjajjar jibdew fl-4:00pm.

· Nhar l-Erbgħa li ġej ser issir il-ħarġa ta’ kull ħmistax. Tluq bil-private fit-8:30am.

· Nhar il-Ġimgħa li ġej ġewwa l-Belt Valletta se jsir korteo b’Ġesù sagramentat li jibda fl-4:15pm minn Bieb il-Belt għall-knisja ta’ San Duminku fejn ikun hemm adorazzjoni u quddiesa fis-6:30pm.

· Nhar il Ġimgħa li ġej ukoll fis-7.15pm ser ikun hemm il laqgħa ta' darba fix-xahar għal kulħadd fil Museum tas-subien.

· Nhar il-Ħadd 1 ta’ Marzu huwa l-ewwel Ħadd tax-xahar, għalhekk issir il-ġabra għall-bżonnijiet tal-knisja.

· Fil-parroċċa tagħna, l-ewwel kors ta’ eżerċizzi se jsir bejn it-2 u 6 ta’ Marzu wara l-quddiesa tas-6:30pm. Dawn huma għall-koppji u se jsiru minn Dun Brendan Gatt. Fil-fuljett tal-parroċċa li bħalissa qed jitqassam issibu l-korsijiet tal-eżerċizzi li se jsiru kif ukoll iċ-ċelebrazzjonijiet li se jkollna.

· Bħalissa hemm proposta quddiem il-Parlament Ewropew biex jiġu pprovduti fondi għall-abort f’pajjiżi fejn dan mhux legali jew huwa limitat. Dan ifisser indħil mill-Ewropa kontra s-sovranita tal-pajjiżi membri, fejn kull pajjiż għandu d-dritt jiddeċiedi dwar dawn is-suġġetti delikati. F’Malta, il-ħajja tat-tarbija fil-ġuf hija protetta. Bħala nsara aħna mħeġġin biex insemmgħu leħinna u ngħidu le għat-turiżmu tal-abort mill-fondi Ewropej. Dan nistgħu nagħmluh billi niffirmaw il-petizzjoni li tinsab fuq noabortiontourism.eu

· Il-Kummissjoni Festa Esterna tavża wkoll li bħalissa qed tagħmel il-ġabra mid-djar b’risq il-festa. Nitolbukom sabiex tkunu ġenerużi.

· Il-ġabra li saret il-Ħadd li għadda b’risq il-festa interna kienet ta’ €1,104. Nirringrazzjawkom ħafna.

· Il-fuljett tal-parroċċa Leħen il-Fgura jinsab fis-Sagristija. Nitolbu lid-distributuri sabiex jieħdu l-kopji tagħhom mis-sagristija. Nirringrazzjawhom bil-quddiem.

· Illum fil-każin tal-banda jkun hemm it-tombla mis-2:00pm ‘il quddiem.

· Din il-ġimgħa fil-parroċċa tagħna mietu: Carmel Pisani u Vivienne Calafato.