• Nhar it-Tnejn ser issir laqgħa għall-ġenituri u l-parrini li se jgħammdu t-trabi tagħhom nhar il-Ħadd 3 ta’ Mejju fil-quddiesa tad-9:30am.

• Din il-Ġimgħa it-tberik u ż-żjajjar tal-familji se jsiru t-Tlieta u l-Ħamis.

It-Tlieta - Triq ir-Rgħajja u Triq l-Għarnuq

Il-Ħamis – Triq Mary Carter u Triq Charles Magro

It-tberik u ż-żjajjar jibdew fl-4:00pm.

• Nhar l-Erbgħa se norganizzaw ġurnata għal Għawdex. Tluq fis-6:30am u niġu lura mal-vapur tas-6:00pm. Min jixtieq ikellem lill-kappillan.

• Nhar l-Erbgħa wkoll – ir-raba Erbgħa tal-Udjenza tal-Madonna tal-Karmnu. Fis-6:00pm ikun hawn ir-rużarju u l-kurunella u fis-6:30pm quddiesa bl-omelija fuq il-Madonna. Wara ċelebrazzjoni Marjana u ċelebrazzjoni Ewkaristika.

• Nhar il-Ġimgħa l-1 ta’ Mejju, niċċelebraw il-festa ta’ San Ġużepp Ħaddiem kif ukoll l-ewwel Ġimgħa tax-xahar. Il-ħin tal-quddies ikun bħal ta’ nhar xogħol. Ikun hawn l-adorazzjoni wara l-quddiesa tat-8:30am u wara dik tas-6:30pm. Fl-10:00am ikun hemm il-quddiesa u l-adorazzjoni fiċ-ċentru pastorali ta’ Triq il-Liedna.

• Nhar is-Sibt huwa l-Ewwel Sibt tax-xahar għalhekk wara l-quddiesa tat-7:45am ikollna r-rużarju meditat fiċ-ċentru parrokkjali.

• Nhar il-Ħadd huwa l-ewwel Ħadd tax-xahar, għalhekk issir il-ġabra speċjali għall-bżonnijiet tal-knisja.

• Il-Bazaar ta’ Jum l-Omm se jibda s-Sibt 9 ta’ Mejju. Fejn San Ġorġ Preca poġġejna qfief apposta biex min jixtieq jagħti xi ħaġa għall-bazaar. Nippreferu preserves u affarijiet ġodda. Ħwejjeġ m’aħniex naċċettaw.

• Il-ġabra li saret il-Ħadd li għadda f’Jum il-Karita kienet ta’ €1,480. Nirringrazzjawkom ħafna,

• Ħareġ Kliem il-Ħajja minn Mejju sa Awwissu. L-abbonati u d-distributuri huma mitluba jieħdu l-koppji tagħom mis-sagristija.

• Din il-ġimgħa fil-parroċċa tagħna mietu Cettina Psaila, Giovanna Sammut u Gemma Carabott.

• B’ferħ kbir ngħarrfukom li l-Parroċċa tagħna ser tkun qed tibbenefika minn finanzjament mill-Gvern biex isir tisbiħ u modernizzar fil-knisja parrokkjali bit-tibdil tal-madum tal-art għal irħam kif ukoll bl-istallazzjoni ta’ sistema moderna u effiċjenti ta’ arja kkundizzjonata. Nixtiequ nuru l-apprezzament sinċier tagħna lil kull min qed jagħti s-sehem tiegħu biex dan il-proġett isir realtà.