• Nhar it-Tnejn fis-7:00pm fiċ-ċentru parrokkjali ser issir laqgħa għall-ġenituri u l-parrini li se jgħammdu t-trabi tagħhom nhar il-Ħadd 6 ta’ Settembru fil-quddiesa tad-9:30am.

• Nhar l-Erbgħa li ġej se norganizzaw ġurnata għal Għawdex. Nitilqu minn quddiem il-knisja fis-6:30am, niġu lura mal-vapur tas-7:00pm.

• Nhar il-Ġimgħa, l-ewwel Ġimgħa tax-xahar, ikun hawn l-adorazzjoni wara l-quddiesa tat-8:30am u wara dik tas-6:30pm. Fl-10:00am ikun hemm il-quddiesa u l-adorazzjoni fiċ-ċentru pastorali ta’ Triq il-Liedna.

• Nhar is-Sibt huwa l-Ewwel Sibt tax-xahar għalhekk wara l-quddiesa tat-7:45am ikollna r-rużarju meditat fiċ-ċentru parrokkjali.

• Il-Ħadd li ġej huwa l-ewwel Ħadd tax-xahar, għalhekk issir il-ġabra speċjali għall-bżonnijiet tal-knisja.

• Dawk il-ġenituri li għandhom it-tfal li twieldu fis-sena 2020 huma mitluba sabiex jirreġistrawhom għall-katekiżmu. Formoli u dettalji minn fuq il-facebook page tal-Museum tas-subien u minn fuq il-facebook page tal-Museum tal-bniet.

• Is-Sibt 19 ta’ Settembru l-Kummissjoni Festa Esterna se torganizza attività ta’ tmiem is-sajf fuq iz-zuntier. Biljetti mill-maħżen tal-armar.

• Nerġgħu infakkru fuq id-diċenza fl-ilbies tagħna fil-knisja. Ġieli ninnutaw li jkun hawn xi persuni li ma jkunux lebsin addattat għall-knisja. Inħeġġukom biex nilbsu diċenti u kif jixraq għad-dar t’Alla.

• Din il-ġimgħa fil-parroċċa tagħna miet John Mangion.