L-EWWEL QARI

Qari mill-Ktieb ta’ l-Eżodu                                               

Eż 3:1-8a,13-15

F’dak iż-żmien, Mosè kien jirgħa l-merħla ta’ ħatnu Ġetru, qassis ta’ Midjan, u ħa l-merħla ’l hemm fid-deżert, u wasal sa ħdejn Ħoreb, il-muntanja ta’ Alla.

Hawn deherlu l-anġlu tal-Mulej f’ħuġġieġa nar qalb l-għollieq. Mosè ħares u ra l-għollieq jaqbad bin-nar bla ma jintemm.

Mosè qal: “Ħa nersaq u nara din id-deħra tal-għageb: għala mħux jinħaraq l-għollieq?” Il-Mulej raħ riesaq biex jara, u Alla sejjaħlu minn qalb l-għollieq u qallu: “Mosè, Mosè!” U Mosè wieġeb: “Hawn jien!” U l-Mulej qallu: “La tersaqx ’l hawn. Neħħi l-qorq minn riġlejk, għax il-post li inti fuqu hu art qaddisa.” U ssokta jgħidlu: “Jien hu Alla ta’ missirijietek: Alla ta’ Abraham, Alla ta’ Iżakk u Alla ta’ Ġakobb.” Mosè għatta wiċċu, għax beża’ jħares lejn Alla. U l-Mulej qallu: “Jien ħarist u rajt it-tbatija tal-poplu tiegħi fl-Eġittu. U jien smajt il-karba tagħħom minħabba fl-argużini tagħhom u għaraft l-uġigħ tagħhom. Issa nżilt biex neħlishom minn idejn l-Eġizzjani u biex intellagħhom minn dik l-art u neħodhom f’art tajba u wiesgħa, f’art tnixxi ħalib u għasel.”

Mosè rega’ wiegeb: “Ara, jiena mmur għand ulied Israel u ngħidilhom: "Alla ta’ missirijietkom bagħatni għandkom." Huma jistaqsuni: "X’jismu?" Jiena xi ngħidilhom?”

Alla wieġbu: “Jien li Jien.” U kompla jgħidlu: “Hekk għidilhom lil ulied Israel: JIENA-ĦU bagħatni għandkom.” U Alla kompla jgħidlu: “Ħekk għandek tgħidilhom lil ulied Israel: “Jaħweħ, Alla ta’ missirijietkom, Alla ta’ Abraħam, Alla ta’ Iżakk, Alla ta’ Ġakobb, bagħatni għandkom.” Dan ikun ismi għal dejjem u dan l-isem ifakkarkom fija minn nisel għal nisel.”

Il-Kelma tal-Mulej.

SALM RESPONSORJALI                     

Salm 102

Rit: Ħanin u twajjeb il-Mulej!

Bierek, ruħ tiegħi, il-Mulej!
B’qalbi kollha nbierek l-isem qaddis tiegħu.
Bierek, ruħ tiegħi, il-Mulej,
u la tinsiex il-ġid kollu li għamel miegħek.
Rit…

Ħu li jaħfer dnubietek kollha;
ifejjaq il-mard tiegħek kollu;
jifdi lil ħajtek mill-qabar;
iħaddnek bit-tjieba u l-ħniena.
Rit…

Il-Mulej jagħmel is-sewwa,
u l-ħaqq mal-maħqurin kollha.
Hu għarraf lil Mosè l-ħsieb tiegħu,
l-għemejjel tiegħu lil ulied Israel.
Rit…

Ħanin u twajjeb il-Mulej,
idum ma jagħdab u kollu mogħdrija.
Daqskemm huma s-smewwiet ’il fuq mill-art,
hekk hi kbira tjubitu ma’ min jibża’ minnu.
Rit…

IT-TIENI QARI

Qari mill-Ewwel Ittra ta’ San Pawl Appostlu lill-Korintin
1 Kor 10:1-6.10-12

Ma rridkomx ma tkunux tafu, ħuti, li missirijietna lkoll kienu taħt is-sħaba, ilkoll qasmu l-baħar, ilkoll kienu mgħammda f’Mosè fis-sħaba u fil-baħar, ilkoll kielu mill-istess ikel spiritwali - xorbu tassew mill-blata spiritwali li kienet timxi magħhom, u din il-blata kienet Kristu - madankollu l-biċċa l-kbira minnhom lil Alla ma għogbuħx għax ilkoll waqgħu mejta fid-deżert.

Dan ġara b’eżempju għalina, biex ma nixxennqux għal ħwejjeġ ħżiena, bħalma xxennqu huma.

Anqas ma għandkom tgergru, kif għamlu xi wħud minnħom, u qeridhom il-Qerried. Dan kollu gralhom b’eżempju, u nkiteb bi twiddiba għalina li fuqna wasal tmiem iż-żminijiet. Min jidhirlu li hu wieqaf, joqgħod attent li ma jaqax.

Il-Kelma tal-Mulej.

VERSETT
Glorja u tifħir lilek, Kristu!
Indmu, igħid il-Mulej, għax qorbot is-Saltna tas-Smewwiet.

Glorja u tifħir lilek, Kristu!

L-EVANĠELJU

Qari mill-Evangelju skont San Luqa                     
Lq 13. 1-9 

F’dak iż-żmien, ġew xi wħud għand Ġesù u qalulu b’dawk il-Galilin li Pilatu kien ħallat demmhom mad-demm tal-vittmi tas-sagrifiċċji tagħhom. U Ġesù qabad u qalilhom: “Taħsbu intom li dawn il-Galilin kienu iżjed midinbin mill-Galilin l-oħra biex sofrew dan kollu? Le, ngħidilkom; imma jekk ma tindmux, ilkoll tintilfu bħalhom. Jew dawk it-tmintax-il ruħ li fuqhom waqa’ t-torri ta’ Silwam u qatilhom, taħsbu intom li kienu iżjed ħatja min-nies l-oħra ta’ Ġerusalemm? Le, ngħidilkom; imma jekk ma tindmux, ilkoll tintilfu xorta waħda.”

U qalilhom din il-parabbola: “Wieħed kellu siġra tat-tin imħawla fl-għalqa. Mar ifittex il-frott fiha, u ma sabx. Għalhekk qal lil dak li kien jaħdimlu l-għalqa: “Ara, ili tliet snin nigi nfittex il-frott f’din is-sigra tat-tin, u qatt ma sibtilha. Mela aqlagħha! Għax għalfejn sa tibqa’ tkidd l-art?” Iżda dak wiegbu: “Inti ħalliha, sinjur, għal din is-sena, sa ma nagħżqilha madwarha u nagħtiha d-demel. Id-dieħla għandha mnejn tagħmel il-frott; jekk le, aqlagħha.”

Malli nstama’ l-leħen Ġesù sab ruħu waħdu. Huma żammew is-skiet, u għal dawk il-jiem ma qalu xejn lil ħadd minn dak li kienu raw.

Il-Kelma tal-Mulej.